MNF Campaign Committee ṭhukhawm chuan MNF-in candidate atan ṭhalai lehkhathiam, Kohhran leh khawtlang rawngbawlnaa in hmang mi, mahni hnaa inpe zo tak leh mawhphurhna a chelh tawhna lama theihtawp chhuah bur ṭhin Dr. Lalrinzuali Hrahsel an nei chu lawmawm an tih thu leh chhuanawm an tih thu an tarlang.

MNF Campaign Committee chuan, Ward XIX Corporator atana thlan awm ber leh Ward hmasawn zelna tura hnathawk thei tur Dr. Lalrinzuali Hrahsel (a chhinchhiahna Arsi-ah) lo vote ṭheuh turin Ward XIX Mipuite khawngaihna a dil nawn leh a ni.

Vawiina MNF Campaign Committee ṭhutkhawm hi Lalrinenga Sailo, AMC Mayor; Campaign Committee chairman-in a kaihruai a. MNF President Zoramthanga, Tawnluia, NCC, MNF Gen. Hqrs bakah MNF senior leader te leh High command ten an telpui a ni.